ایش، ایو، آزادلیق

بیلیم‌یوردونا گیریش ایمتاهانی بسیجین نظارتی آلتیندا کئچیریله‌جکدیر!!

0

مجلیسین «تحصیل و آراشدیرما کمیسیونونون» باشقانی«علی‌اصغر منادی سفیدان»، بو خبری آچیقلایاراق دئدی: «صحیه‌‌ و بیلیم ناظرلری، تحصیل و آراشدیرما کومیسیونو عضولری‌نین راضیلیغیندان سونرا ساغلاملیق پروتکل‌لاری داها سرتلشدیگیندن بو ایل ده بیلیم‌یوردونا گیریش ایمتاهانی واختیندا کئچیریله‌جک.»

ایران‌وایرین معلوماتینا گؤره، ایسلامی مشورت مجلیسی‌نین تحصیل و آراشدیرما کمیسیونونون عضولری، صحیه‌‌ ناظرلیگینده صحیه‌‌ و بیلیم ناظرلری ایله گؤروشده، بیلیم‌یوردونا گیریش ایمتاهانی‌نین تاخیره سالینمادان کئچیریلمه‌سی اوچون سس وئردیلر.

بوندان اؤنجه، طلبه‌‌‌ مجلیسی، کرونا سببییله ۱۳۹۹-جو ایلین بیلیم‌یوردونا گیریش ایمتاهانی‌نین تاخیره سالینماسی اوچون جمهورباشقانینا مکتوب یازمیشدی.

بو ایل بیلیم‌یوردونا گیریش ایمتاهانی‌نین کئچیریلمه شرطلرینده‌کی ديیشیکلیکلرله علاقه دار منادی سفیدان «خانه ملت» خبر آژانسینا دئدی: «بیلیم‌یوردونا گیریش ایمتاهانی‌ هر سئچکی دایره‌سینین ۲۰ فایز توتومو ایله کئچیریله‌جک و اوتوراجاقلار آراسیندا ان آزی ایکی متر مسافه‌‌ اولاجاق. بیلیم‌یوردونا گیریش ایمتاهانینا بسیج عضولاری نظارت ائده‌جک و بیلیم ناظرلیگی آدایلارا ماسکه وئرمه‌یه مکلفدیر.»

منادی سفیدانین سؤزلرینه گؤره، پروتکل‌لارین ایزله‌نیلمه‌سی اوچون مجلیس بیلیمیوردونا گیریش ایمتاهانی‌نین ایجراسینی ایزله‌یه‌جک. همیشه موعلیملر و تحصیل ایشچیلری طرفیندن نظارت ائدیلن بیلیم‌یوردونا گیریش ایمتاهانی‌ بو ایل نییه بسیجین عهده‌‌سینه قویولدوغو معلوم دئییل

ممکن است شما دوست داشته باشید

ارسال یک پاسخ

آدرس ایمیل شما منتشر نخواهد شد.