ایش، ایو، آزادلیق

جلاد رژیمین الیله مصطفی صالحی اعدام ائدیلدی

0

۱۳۹۶-جی ایلین دی آیی اعتراضلاریندا حبس اولونانلاردان بیری اولان مصطفی صالحی‌نین اعدام حؤکمو اصفهاندا ایجرا ائدیلدی.

میزان خبر آژانسی صالحی‌نین اینقیلاب کئشیکچیلری عضوو سجاد شاه‌سنایی‌نین ۱۳۹۶-جی ایلین دی آیی اعتراضلاری زامانی اؤلدورولمه‌سینه گؤره اعدام جزاسینا محکوم ائدیلدیگینی یازدی.

محکمه‌‌ اورقانینا باغلی اولان بو خبر آژانسی صالحی‌نین «۱۳۹۶-جی ایل ایغتیشاشلاری زامانی ایکی مرحله‌‌‌ده یؤنتنلردن بیری اولدوغونو» ادعا ائتدی.

میزان خبر آژانسی علاوه‌‌ ائدیب کی صالحی «اوو توفنگی ایله مامورلارا آتش آچیب و ۶ نفرین ده یارالانماسینا سبب اولوب.»

مصطفی صالحی‌نین اعدام حؤکمونون تصدیقلنمه‌سی سون گونلر اعتراضلارلا ندن اولموشدو.

۳۰یاشیندا بو گنج، سجاد شاه‌سنایی‌نین قتلینه گؤره محکمه‌‌ده بوتون اتهاملاری رد ائتدیگی بیر وضعيتده اعدام ائدیلدی.

ممکن است شما دوست داشته باشید

ارسال یک پاسخ

آدرس ایمیل شما منتشر نخواهد شد.