ایش، ایو، آزادلیق

صفرخانین بشمینجی ئیل دونیمی مناسیبتینه

0

عمواوغلی


عزیز دوستلار ، یولداشلار  ! آذربایجان خالقیندان عبارت اولان آذربایجانین  زحمتکشلری عموما و اونا باغلی اولان آچیخ فیکیرلی انسانلار  چه قادین اولا وچه کیشی  وچه گنج اولا وچه قوجا  ئیللر بویودور کی  ظلم وستم واستثمار علیهنه چه آدربایجان اولکه سینده وچه سراسر ایراندا  هم انقلابی دموکراتیک عرصه لرده وهمده اجتماعی و برابرلیک  عرصه لرینده ان بویوک چالیشان و وروشان  ودوریمجی بیر خالقیدی. من بابک ده ، کوراوغلو وانون دلیلری  ، قاچاق نبی  لردن بیر زاد دمیرم. وچوخ قهرمانلار که اونلارین خلقین ایستکلرینین یولوندا صداقتیله مبارزیه ادامه ورمک لری خالقمیزین تاریخینده ، آشیقلارین سازیندا و آتا آنا لارین سوزونده ، محبوب چهره لریندن  مینلرجه کوراوغلو لار قاچاق نبی لر  یا رادیلیب،

آنجاق کی بو یوز ئیلین عرضینده ايستر مشروطه حركاتي، ايستر اوندان سونرا ايراندا گئدن آزادليق  وسوسیالیستی حركاتي نين ، مدنیت وتشکیلات عرصه سینده و ایستر موسیقی، تاریخ وادبیات عرصه سینده اولا ویا آیری بیر انقلابی و اجتماعی حرکتلرده  که دنیا محاربیه سینین  آخیرلاریندا ایندیه قدر ایزانین مختلف اولکه لرینده و علی علخصوص ۲۱ آذر آذربایجان انقلابی و سوسیال دموکراتیک حرکت ده  و سونرالار  بهمن انقلابینین ئوز ور مسینده  و دیمک اولار تمام آزادلیق  واجتماعی حرکاتنین باش سرلوحه سینی آذربایجان و انون ارادلی خالقی یازیبدور.

بو یوز  ئیلذه ئوز ویرن انقلاب دموکراتیک وسوسیالیستی حركاتلاردا ، آذربايجان خالقي نين مثل سيز و تاريخده قالار رولو اولموشدور. بو بؤيوك و شانلي خالقين مبارزه تاريخي ده ، اونون فداكار اوغول و قيزلاري نين پارلاق سيمالاريلا ايشيقلانميشدير. حيدر خان عمو اوغلو ، شيخ محمد خياباني ، ستارخان ، باقرخان، صمد ، بهروز ، اراني، و يوزلرجه باشقا فداكار، يئنيلمز و سارسيلماز اراده لي اينسانلار بو جرگه ده يئر دوتانلاردانديرلار.

بوگون بو بویوک قهرمانلاردان بیرسی آذربایجان و معاصر ايران خالقلاري نين مبارزه تاريخينده آدي زندانلاری تيتره دن، و ۳۲ ايل دن آرتيق عؤمرونو انساني ايده آللاري و خالقي نين آزادليغي اوغروندا صرف ائدن صفرخانان یاد ئلیریک  ، صفر خان ايستر آذربايجان خالقي نين، ايسترسه ده ايران خالقلاري نين فخري حساب ائديلير . ، صفر خان آذربایجان قهرمانلارینان اولاراخ نه فقط آذربایجان خلقلرینین  ایچینده بلکه ده بوتون دونيادا بشريتين سعادتي و انساني  آماللارينین  یولوندا چالیشانلارین سيراسيندا يئري واردير. آذربایجان خالقی بئله بير جسارتلي و مبارز انسانين شرفلي خاطيره سيني عزيز ساخلاياجاق، و امینم کی بیزیم جوانلاریمیز  ئوز مبارزه لرینده  اوندان الهام آلایب و تام ارتجاعی قوه لره غلبه چاتاجاق .

صفر قهرمانيان ( صفرخان) گونش ايلي ۱۳۰۰ ده شيشوان كندينده آتاسی محمد حسين و آناسی گوهرتاج  اولاراخ دونيايا گوز آچير . او اوشاقلیخدان آتاسي ايله بيرليكده اكينچيليك له مشغول اولور.

جمعيتده كئچن معيشت گرگين ليگي ، آجليق ، مولكدارلارين ظولمو ، كند  لیلرین چوخ چتین و  غير انساني بير شرايطده ياشاماسي ، فلاكت و بدبخت ليك ، وظولم وستم  گنج صفرخاني بئله و اونون اوچ نفر يولداشلارينی عصیان ئله مه که معروض سالدی . اونلار بير ليكده ۱۳۲۱- نجي ايلده سيلاحلي دسته تشكيل ائديب ، وآذربایجان مولكدارلارلا مبارزه يه گيردیلر. بو سيلاحلي دؤيوش ۱۳۲۴- نجي ايله قدر که ۲۱ آذر نهضتینده ملی قوشون یارالیر  دوام ائدير ۱۳۲۴ او ملوک باقر پور ایله ئائله قورور.

۱۶ آبان ۱۳۲۴  کندیلیرین قیامین ملکدارلار علیهینه  شیشوان  نان سازمان وریلر وپاسگاه لار آلینیر و دولت مامورلاری و ژاندارمیلار خلع سلاح اولولار

۱۳۲۴- نجي ايلين اورتالاريندا بوتون آذربايجاندا سيلاحلي دؤيوشه چئوريلير. همين ايلين آذر آييندا ،بویوک قیام  شه رژیمینین و انون ارتجاعی وامپریالیستی دایاخلارینین علیهینه  ئوز وریر و آذربايجاندا بیرنجی  دفعه اولان ملي حكومت يارانير . صفرخان ملي قوشونا قوشولور و آذربايجاني و خالقين الده ائتديگي نائليت لري قوروماغا چاليشير.

آذربايجاندا قورولان ملي حكومتين عؤمرو اوزون چكمير. ۱۳۲۵- نجي ايلين آذر آييندا مركزدن گوندريلميش شاه اردوسو آمریکا وانگلیس امپریالیسمین حمایتیله  آذربايجانا باسقين ائدير. يئرلي مولكدارلار ، سيماسيز و لومپن شخص لر شاه قوشونونون حمايه سي آلتيندا ، مينلر جنايته ال ووراراق  و مينلرجه گوناهسيز انسانلاری دار چکیب و تیر آغاشلارینا باغلیلار ، او مقدس نهضتي قانا چكيرلر و نهايت مينلرجه آدام ئولور و مینلرجه  عائله اؤز يورد- يوواسيندان ديدرگين دوشور و سورگون ائديلير.

همان ئیل  صفرخان  سرحد دن آشیر و عراق کوردستانینان چوکیر واوردا بیر نچه واقت قالان دان سونرا  1327 ده عراقدان  قاچیر و گلیر ارومییه  و اسفندین ۱۸ ینده  ارومیه ده توتولیر و زندانا سالینیر.

۱۳۲۹- نجي ايلده صفرخان تبريزين نظامي محكمه سينه وئريلير اول دادستان ئوزوندن رد صلاحیت ئدیب و پرونده نینی  مراغیا و سونرا ارومیه گوندریلر و آخیردا تبریز نظامی  محكمه ده ، شاهليق رژيمي عليهينه سيلاحلي دؤيوش آپارديغي اوچون ، اؤلوم جزاسينا محكوم اولور. عيني حالدا قارداشي حسنعلي يه اون ايل و آتاسي محمد حسين كيشي يه ايكي ايل ايش كسيلير.

۱۳۳۰- نجي ايلده ايران سويه سينده باش وئرن ميللي حركاتدا مصدق ایش اوسته گلیندن سونرا، صفرخانين پرونده سی اونون اعتراضي اساسيندا تبريزين نظامي محكمه سيندن اورميه يه و اورادان ايسه مركزين عالي محكمه سينه گؤنده ريلير.

۱۳۳۲- نجي ايلين مرداد آييندا ، آمريكا و انگليس دولتلري نين توطئه لري نتيجه سينده مصدقين ملي دولتي دئوريلير و اوندان سونرا صفرخانين پرونده سی يئني دن نظامي محكمه يه گونده ريلير . نهايت ۱۳۳۳- نجي ايلده صفرخانين اؤلوم حؤكمو ، عومورلوك دوستاقا چئوريلير.

صفرخان دوستاقدا اولاركن خالقين دوستاق ائولادلاري نين ايشگنجه گاهلاردا آپارديقلاري مبارزه ده فعالجاسينا اشتراك ائدير و بير مقاومت سيمبلي كيمي، مبارزه يه گوج وئریر ۱۳۳۴ تبریز زندانیندا اعتصاب غذا ال ویریر. نهايت تبريز زندانيندان ، اورميه حبس خاناسينا گوندريلير و ۱۳۳۷- نجي ايلده ،تهرانا و اورداندا برازجانين دهشتلي زندانیناا سورگون ائديلير.

۱۳۴۱- نجي ايلده صفرخانين فداكار حيات يولداشي، تهراندا اونون گؤروشونه گلديگي زامان خسته لنير و دونيادان گؤز يومور. و انون قیزی “مهين” آتا اوزونه حسرتيليك له برابر، آناسيزدا قالير. بير ايلدن سونرا صفرخانين آتاسي و آناسي دا دونيادان كؤچور.

۱۳۴۶- نجي ايلده صفرخانين اول دفعه اولاراق گؤروشچوسو اولور. او ييرمي ايلدن سونرا قيزي مهين، بالاجا نوه سي بهروز و قيزي نين حيات يولداشي محسن عباسي نين اوزونو گؤرور.

۱۳۴۷- نجي ايلده شاهليق رژيمي صفرخانين اراده سینه تسلیم اولور، اونو برازجاندان تهرانين قصر دوستاغينا منتقل ائدير. بورادا صفرخان تجربه لي و مقاومت گؤسترن قديمي بير محبوس كيمي، گنج محبوسلارين داياناجاغي، اوميد اوجاغي و اونلارين مقاومتينده  ايلهام منبعينه چئوريلير. بو بیر زامانیدیر کی  انقلابی و مسلحانه مبارزه شاه رژیمینین علیهینه باشلان ماخدیدی

۱۳۵۲- نجي ايلده ساواك مامورلاري، دوستاقلاردا گئده ن مقاومت مبارزه سيني سينديرماق اوچون تهرانين و بير چوخ بويوك شهرلرين دوستاقلارينا هجوم گتيرير. شرايط گرگينله شير، آنجاق خالقين قهرمان اوغول و قيزلاري نين مبارزه سي بير آن دا اولسون، دايانمير.

۱۳۵۴- نجي ايلده صفرخاني، “كميته مشترك” ايشكنجه گاهينا منتقل ائديلر و ايشكنجه آلتينا . اوندان “توبه” نامه آلماق ایستیریلرر. آنجاق كئچميش ييرمي دوققوز ايلده اولدوغو كيمي، يئنه ده صفرخان قاليب چيخير و اونون “يوخ” جاوابي جلادلاري ناكام قويور.

۱۳۵۵- نجي ايلده يئني دن صفرخاني “كميته مشترك” ايشكنجه گاهينا آپاريب، و اونو آغير ايشكنجه لر آلتيندا اؤلمه يه و يا “آريامهر”دن عفو ايسته مك مجبوريتينده قويورلار. آنجاق صفرخانين بير جاوابي اولور: يوخ! بو زاماندا  60 میشدان چوخ زندانیلر  سپاس آریامهر دیننن سونرا آزاد اولولار

۱۳۵۶- نجي ايلده بين الخالق قيرميزي خاچ جمعيتيندن بير گروپ، ايران دوستاقلاريندان گؤروش اوچون تهرانا گلير. ساواك صفرخاني گيزلتسه ده، آنجاق صفرخانين دونيا شهرتي و اونون ايرانين ان قديم سياسي محبوسو اولدوغو، ساواكي اونون يئرين بو جمعيتين نماينده لرينه گؤسترمه يه مجبور ائدير.

۱۳۵۷- نجي ايلين شهريور آييندا، شاهين ۱۷ شهريور قيرغينينا اعتراض اولاراق، صفرخان بير چوخ محبوسلارلا برابر آجليق اعلان ائدير.

نهايت ۱۳۵۷- نجي ايلين آبان آيي نين اوچونده شاههنشاهی نظام وامپریالیسم  و ظلم وستم  کارلار عليهينه عصيان قالديران خالق، دوستاقلارين قاپيسيني آچير و اؤز  قهرمان ائولادلاريني قارا دوستاقلاردان قورتارير. صفرخان دا ۳۲ ايلدن سونرا ايشيق اوزو گؤرور و اونا چوخ غريبه گلن تهران شهرينده، يگانه ائولادي- قيزي مهين خانيمين ائوينه گتيريلير، اورادان ايسه آنا يوردو آذربايجانا و قهرمان تبريز شهرينه واورادان دا شیشاوان آنا یوردینا  گدیر و آذربايجانين هر گوشه سيندن تبريزه وشیشاوانا گلن وطنداشلاري طرفيندن قارشيلانير.

نهايت  شانلي بهمن انقلابي غلبه چالير، شاهليق رژيمي دئوريلير و اماصفرخانين اوزون ايللردن  قالان آرزولاری هه له ده  که هه له دیر قالیر و اونلارا یتشمهک اوچون مبارزه نین دوامی وار

بو گون ، ايران مبارزه تاريخي نين پارلاق اولدوزو صفرخانين شرفلي خاطيره سيني عزيز ساخلاماق اوچون گرک کی  آزادلیق برابرلیک و ئوز سرنویشتیمزه حاکم اولماق یولوندا  داهیدا دواملی و استقامتیله انقلابی مبارزیه ال ورزماق  وپیشه ورینین بوسوزینی یاددان چیخارتماماق کی:

“كئچميش انقلابچي لاري ، خالق يولوندا جان وئرنلري ياددان چيخاران بير ميللت، جانباز و فداكار اوغوللار تربيه ائده بيلمز.

 كئچميش انقلابچي لاري بويودوب، قهرمان تانيدا بيلمهين بير ميللتين ايچهريسيندن قهرمانلار چيخماز….”

خـــاطـيـــره*
بو اوجا داغلارين قارلي باشيندا
هر بير قاياسيندا، هر بير داشيندا،
شاعيرلرين ايلهام خزينه سي وار.
بؤيوك عوصيانلارين خاطيره سي وار. بو خاطره لری عزیز ساخلیاق و گوندکی مبارزه میزده اونلارین  استقامتیندن الحام آلاخ
آذر ۸۶ عمواوغلی

ممکن است شما دوست داشته باشید

ارسال یک پاسخ

آدرس ایمیل شما منتشر نخواهد شد.