ایش، ایو، آزادلیق

یا شاسین بیر مای دنیا ایشچیلرین بیرلیک مجادله دایانیشما گونو

0

 بیرمای ایشچیلرین وچالیشانلارین  توم دنیا عرصه سینده آینی زماندا بایرامی اولاراق ، بیرلیک ده  کاپیتالیسمین  قاباقیندا قوه قدرتلرینی  نشان ویرمه ک اوچون  حاضیرلاشیللار .
بیرمای دا هرئیل دنیا ایشچیلری  هر یرده اولوب اولسون آنجاق کی بتو ایشدن الچه کیب و ئوز ایستکلرینی  دوریمجی چیخیش لارینان اورتایا قویوب  وبیرلیکده  کاپیتالیسمه و اونون  سیاسی و اقتصادی  ارگانلارینین  قاباقیندا دایانمالارینی  چوخ آچیخ شکلیده ایفاده ئیدلر.
آذربایجاندا  بیرمای بایرامینین تانیلینماسی یوز ئیله قه درتاریخیه مالیکدی.  وبواوزون ئیله رده ظلم وستم وسرکوبا معروض قالان ایشچیلر ومخصوصا آذربایجان کمونیست و پیشرو ایشچیلری بوپیس شرایط وقره گونلره باخمیاراق  گولله وسرنیزه آلتیندادا اولارکن بیرمای بایرامینیندا کچیک ویا بویوک دسته لرده توپلانیب و چیخیش ئدیبلر.
بوگون بیر شرایط ده بیرمای بایرامینا یاخینلاشیروخ کی  اسلام جمهوریتینین وسرمایه دار طبقه سنین فشار و تعرضنین آلیندا  ایشچی طبقه سی سراسر ایراندا چوخ  چتین ویامان وضعیته دچار اولوب . آذربایجان ایشچی لری اوندان چوخ  ملی سیتمه ده معروض قالیب لار. قدرت وثروت مافیالاری  چالیب چاپاخدان دویمیلار ، ایشچیلرین و چالیشانلارین تشکلسیزلیگینده ن واونلارین تک توشوب بیر ال اولماماقلاریندان استفاده ئدیب هرنه جور که  ایستیل له ر  ایشچی لری استثماررا مجبور ئدیلر .
نئولیبرالیسم سیاستی پیاده ئه له مک اوچون دسته دسته کارگرلری ایش ده ن بری سالیل لار ، اونلارین حق وخقوقلارینی  آیلار دالی سالیب وورمیلر.  اجتماعی بیمه ده ن، بیکارچیلیخ  حقوقیندان  محروم اولان ایشچی لر ئوز ئائله لرینین معیشتین تامین ئتمک اوچون نه ایله دیکلرینی بیل میللر. تحزب وتشکلین ایشچی طبقه سینه قدغن اولماسی ، آزادلیغین بوغولماسی ، دانیشاتلاری و ییغیشانلاری توتوب زندانا سالماق واونلاری  ایشکنجه آلتینا آپارماق  وچوخ سوزده نسونرا سرنیزه آلتیندا  الی آچیق اولان  ثروت وقدرت صاحیب لاری هرنه بیلدیکلرینی ئدیللر.خوراک ، مسکن ، تمام  بیرنجی معیشت  نیازلارینین گون به گون بهالانماسی،  دوغوردان کی ایشچی و اشاغی درآمد صاحیبلارین و مخصوصا بیکارلارین جان لارین بوغازلارینا ییغیب. گیچه ن ئیل یوزلرجه اعتصاب ، تظاهرات ، آیری بیر شکلیده گورولان توپلانتیلار  سراسر ایراندا ازجمله آذربایجان  دا  جوابسیز قالیب .اما بواعتصابلاردان و اعتراضی ییغینجالاردان درس آلان ایشچیلر ئوز باشلارینا چاره قیلمالیدیلار ، ایشچی طبقه سنین ئوز قدرتین ده ن سونرا هیچ بیر کس اونون ایستک لرین ییرینه یتیرمک اوچون ایاقا قالخمییاجاخ.وهیچ قدرت وقوه ده ایشچیلرین قدرتینه برابر اولا بیلمز،  هرگاه اونلار متشکل ومتحد و آگاه اولالار.اوندا هم ئوزلرین و همده جامعه نی کاپیتالیسمین ظلم وستم واستثماریندان آزاد ئده بیلر.
آذربایجان ایشچیلری !
بیرمای دنیا ایشچیلرین بیرلیک مجادله دایانیشما گونو دیر؛ رژیمین واونون ایادیسنین و چماقدارلارینین تشبثینه باخمییب ، وئوز شهرلریزده و کندیلریزده و هرییریرده کی ایشلیسیز ویاشییرسیز، خیابانلارا ومیدانلارا چیحین .قول قولا وچیرین به چیرین ئوز ایستکلریزی و هدف لریزی اوجا سه سینن مطرح ئدین.
بوگون یاخشی فرصت دیر ، آیری کارگرلریله  کارخانه به کارخانه و منطه قه به منطه قه تانیش ئولون . ئوز هم طبقه لریزایله رابطه قوشون ، بورابطه لری  ارگانیزه ئدین . تجربه لری ، چتین نیک لری آریا قویون ، ایستک لری هماهنگ الیین ، رژیمین وسرمایه دارلارین تعرضنین قاباقیندا نه اله مه لیسیز ، انو آریا قویوب  گه له جک چالیشمالاری و وروشمالاری نه طحه راولماسینی آیدینلادین.
بیرمای دا ظلم وستم واستثمار علیهینه  چیخیش ادیب وئوز ایستکلریزی آریا قویماقینان دنیا ایشچیلرین بوگونکی بیرله شمه سینده وآذربایجان ایشچیلرینین وزحمتکش خالقینین آیینیشی  ومبارزیه ال ویرماسی ودشمنه غلبه  تاپماسی وآچیق گونلره چاتماسینا یاردیم ئدین.
ایش  —–   ئو —– آزادلیخ
تشکل ،تحزب واعتصاب بیزیم دانیلینماز حقیمیز دیر ، نه اونو بیری قراردیر بیزه وره ونه ده بیزده ن آلابیلر.ئوز قدرتمیز ایله مستقل تشکل لری یاراداخ وهروقت لازم اولسا اعتصابا ال ورراخ

حقوقلارین چوخالماسی ، ایشیگه سالماخلاررا سون قویماق وایشیگه سالینانلار گرک ئوز ایشلرینه قایتسینلار

موقت قراردادلار یغیشیلسین

بیکارلیق حقوقی تمام ایشچیلره  شامل اولومالی دیر

اجتماعی بیمه لر عمومیت  تاپاسی

اوشاقلاری ایشلتمگه سون قویماق

خانیملار گرک آزاد و برابر اولالار وارتجاعی سنت لره گرک سون قویماق
توتگون باسقین وزندان وشکنجه  ییغیشیلمالیدی و سیاسی زندانیله ر آزاد اولمالی
آذربایجان خالقی ئوزسرنویشتینه حاکم اولمالیدی وبیز ایشچیلر بوظلم و ستمه به زمریک
یاشاسین دنیا ایشچیلرینین بیرلیک مجادله  دایانیشماسی

یاشاسین آذربایجان ایشچیلرین بیرلیگی

محواولسون کاپیتالیسم   یاشاسین سوسیالیسم

بیرلشمیش کمونیست فدائیلرین آذربایجان ایالتی کمیته سی
۵ اردیبهشت ۱۳۸۷

ممکن است شما دوست داشته باشید

ارسال یک پاسخ

آدرس ایمیل شما منتشر نخواهد شد.