asas menyu

بیز پیمانکار ایسته میریک ، والسلام ! _ وعده وعید ایسته میریک ، والسلام !

۱۸۰۰ تبریز پپتروشیمی ایشچیلرینین اعتصابیندان  ۱۰  گون گچدی. تبریز  پتروشیمی کارگپرلرینین  اعتصابی  اسفند اینین  ۷سینده باشلانیب ایشچیلر بو اون گون عرضینده  چوخ محکم مقاومت ایله  ایستکلرینی اعلام ادیب و اونلارین عمل اولونماسینا چالیشیللار.

بو مدتده کارگرلرین نماینده لری  اوچ دفعه  مدیریتینن مذاکره ئدیبلر ولی هراوچ دفعه ده مدیریت  اونلارا  وعده ورمگیله ایستییب اونلاری تولاسین . اما کارگرلر  اوز سوزلرینین اوستینده محکم دایانیب  واونلارین تمامیتیله  مدیریت طرفیندن عمل اولماسین ایستیللر.

پیمانکارین حذف اولونماسی ودسته جمعی قراردادین باغلانماسی  تبریز چتروشیمی ایشچیلرینین اساسلی ایستکلرینندی. که مدیریت  امنیتی ارگانلارینی  بسیج الییب و اللشیر کی کارگرلری دالی قایتماغا مجبورایله سین اما کارگرلر بیز پیمانکار ایسته میریک ، والسلام ! _ وعده وعید ایسته میریک ، والسلام !  شعارایله  جواب ویردیلر واعلام الیدیلرکی  اعتصابا ادامه ورجکلر.  مدیریت و استان مسئولاری و امنیتی ارگانلار اله کی کارگرلرین مقاومتی ایله مواجه اولدولاراوناگوره اللشدیلرکی تبریزین پالایشگاه کارگرلرینه گونده ۱۰۰ تومن وعده ورمگینن  اونلاری ایشه توتوب و اعتصابی سیندیرسینلار  . اما پالایشگاه کارگرلری  ئوز همکارلاریننان حمایت ادیب و بو  ترفنده رد جواب ویردیلر .

ایندی  نه مدیریتین و امنیتی نیرولارین تهدیدی و نه هوانین سویوخلیقی و نه ده بوشدان وعده وعید هیچ بیری  کارگرلرین ایراده سین سست ادمییب  واونلار مصمم دیلرکی ئوزایستکلرین چاتمیینجا  مبارزیه ایدامه ورسین لر .

تبریز پتروشیمی کارگرلری  بو ایکی ومهم  خواسته نی آریا قویماقینان دمک اولارکی  ایراندا میلیون نار  کارگرین  ایستکلرینی آریا قویوبلار  و بیز  تمام کارگرلردن دعوت ئدیریک کی  تبریز کارگرلرینین اعتصابیندان و ایستکلرینده حمایت ئدیب و اونلارا اردیم ئدسینلر .

موقت قراردادلارا گرک سون قویماق ،پیمانکارلار گرک حذف اولالار  و تمام موقت قراردادلار باطیل و دسته جمعی قراردادلار باغلانمالیدی.

یاشاسین پتروشیمی کارگرلرینین  بیرلیک ده مبارزه سی

بیرلشمیش کمونیست فدائیلرین آذربایجان کمیته سی ۱۷ اسفند ۱۳۸۹.






Cavab yaz

Your email address will not be published. Required fields are marked as *

*