asas menyu

بیرلشمک – چالیشماق و غلبه تاپماق

بیرلشمک – چالیشماق و غلبه تاپماق

۱۶ آذرین بویوک  شعارلارینداندی

اورنجی حرکاتی ایراندا  وآذربایجاندا    ۷۵ ئیل بوندان قاباق  چوخ   اهمیتی و استراتژیک هذفلریله  مباریزه عرصه سینه ایاق قوردی .  بو دایانماز و اجتماعی   بیر حرکتیدی که  ایرانین  و ایراندا یاشیان خلقلرین  بدبختکلیک واستبداد  ، استثمار و حقسیزلیک آلتیندا یاشا ماقا معروض قالماسنین  بویوک علت  لرینی  آچیخلیقینان آریا قویدی  و بو هدفلره  چاتماق اچون  هامودان ایسته دی کی  « بیرلشمک – چالیشماق و غلبه تاپماق» شعارینین آلتیندا  بیرلشیب و استبداد و امپریالیسم علیهینه  مبارزیه دوام ویرسین لر.  او تاریخده ن به له سی   اورنجی حرکاتی  ایرانین و آذربایجانین  اجتماعی  و ضد استبدادی و ضد استثماری حرکتلرینده بویوک بیر نقش اوینویابیلیب و  ینی ده ن گلمیش نسیل لره ئوزوندن یاخشی تجربه لر  ودرسیلر یادگار قویوب  . نجه ده کی گوروروک  تازه عرصیه گه لن جوانلار  مدره سه لرده ودانشگاهلاردا  بو تجربه لری  ینی  دگیشیلمیش بیر وضعیتیله   تطبیق  ویریب  همان مبارزیه  مختلف شکیل لرده دوام ویریر   نیه کی  هله لیک   آزادلیق و عدالت    و آیری  هدفلره چاتا بیلممشیک . اوناگوره مبارزه  دوام ئدیر.

آذربایجاندا دا اورنجی حرکاتی   گچمیشده  ن ایندیه قدر ، یعنی هم  سلطنت دوره سینده و همیده اسلام جمهوریتینده ، آزادلیخ وبرابرلیک یولیندا جاندان و  مالدان مایا قویوبلار و آذربایجان اورنجیلری  دمک اولار کی چوخ عرصه لرده و سنگرلرده   پرچمدار و یول آچان بیر نیرواولوب . مخصوصا  بو گیچمیش یاخین  ئیلرده آذربایجان  اورنجیلری   مبارزه نین عمومی چارچووادان  وهدفلریندن  سونرا  مهم و اساسلی بیر عرصه ده ده   بویوک  نقش و رولا مالک اولوب  . بومعناده کی بوتو ایران ئورنجیلرینین   عمومی هدفلرینه  یعنی آزادلیک وبرابرلیه   باغلی اولان  بویوک مللی ستمین آیادان گوتوریلمه سینه  گوره ده  آغیر وظیفه لر   گوتوروب و بو یولدا دا گورونیر کی بیزیم آذربایجان  زحمتکشلرینین   حضورو ایله  مللی اویانیش   چوخ بیر مترقی و انقلابی پروسسلریله  قاداشیر و ایرانین شوونیسم  ونژادپرست گرتایشلر و دسته جاتین  عملینین  شایه سینده یارانان  افراطی  و نژاد پرست ناسیونالیستلرین قاباقیندا  دایانیب. اوکی مسلم دیر اویدا کی ستم ، مللی ، جنسی و طبقاتی  وار  آزادلیق و  اقتصادی و اجتماعی برابرلیک   غایب  دی  . ارتجاعی و کهنه بیین  قوه لر آذربایجاندا   مللی اویانیشی   بهانا ادیب و  خالقین  اقتصادی واجتماعی و برابرلیک  ایستکلرینی   یاددان چیخاتماق ایستیللر و اونلار ارجاعی و قره قوه لرایله برابر  قادینلارین برابرلیکینه و  ئونلارین  ستم آلتیندتان قوتولماقلارینا چالیشان انسانلاری موللا لارکیمی تکفیر ئدیللر  و هرکس کی  اوشاق حقوقلارندان دانیشیر و یا ایشچیلرین  حقوقلاریندان و اونلارین حق تشکل و سیاسی اجتماعی آزادلیق لاریندان دانشیر  اونا هجوم وحمله گتیریللر . آنجاق بوعرصه ده  بونلاریله ایسلام جمهوریه تینن  فرق قورماق اولمیر . اونا گوره ده ظلم وستم واستثمار آلتیندا قالمیش  خالقی که هریرده ن امیدی اوزولوب ئوز فیرتانالارینا ئوردورماق ایستیللر. ئوناگوره  حال حاضیر ده  که مباریزه نین ایتی اوجی ارتجاعی رژیمی نشانه توتوب  گرک  انحرافی  وخطرناک  دسته لر و فکیرلری ده یاددان چیخاتماماق  وانلارین دالیقالمیش فیکیرلرین و برنامه لرین و عمللرین آیدیناشدیرماق لازیم دور. و هابیله خالقین  اقتصادی ، ایجتماعی و سیاسی و فرهنگی  ایستکلرین  دسته له مک و اونلاری آیدین شعارلارا چویریب و ایشچیلر و زحمتکشلر داحیدا ئوز منافع  لرینه آگاه اله مک  و مبارزه عرصه سینده  دوست ودشمنی  تانیماخ وتانیدیرماخ بویوک وظیفه لرده ن بیریدی.

گلون ۲۷ئیل بوندان قاباق دا ئوزورن  اورنجی حرکتین دوغولماسین و اوننان بیله آزادلیق و برابرلیک  یولوندا جان قویان اورنجیلرین یادین عزیز ساخلیب و اونلارین یولارین  ادامه ویرمک اوچون متحد و متشکل اولاق  وارتجاعی اسلامی رژیم و نون قوران وایاق اوسته ساخلیان حاکم طبقه نی قدرت اریکه سیندن اشاغا سالیب  وئوز سرنوشتیمیزی الیمیزه آلاق.

یاشاسین اورنجیلرین ،ایشچیلرین ، قادینلارین  و تمام اجتماعی وانقلابی حرکتلرین بیرلشمسی

 نابود السون ایسلام جمهوریتی

یاشاسین  فدرالیسم شوروی جمهوریتی

یاشاسین  آزادلیق و سوسیالیسم

بیرلشمیش کمونیست فدائیلرین آذربایجان ایالتی کمیته سی

۱۵ آذر۱۳۸۹






Cavab yaz

Your email address will not be published. Required fields are marked as *

*